Rûens Kollege is geleë in een van die mooiste en veiligste areas van die Overberg. Hierdie gebied rondom Klipdale bied stap en fietsry roetes om van te kies en te keur. Met die oop ruimtes en stilte is Rûens Kollege die perfekte plek om asem te skep en ‘n spanbou, konferensie of bosberaad te kom hou. Daar is ʼn verskeidenheid verblyf opsies en fasiliteite om van te kies om aan u spesifieke behoeftes te voldoen. Die kombuis bied ook ‘n keuse van spyskaarte aan en daar is lieflike braaigeriewe tot u beskikking. Ons fasiliteite is perfek vir funksies soos ‘n matriekafskeid, sanguitvoerings en ander onthale. U besoek aan Rûens Kollege Kampus as deel van ‘n skool- of korporatiewe groep sal beslis vol aangename herinneringe wees.